တိမ်တွေတောင် ညိုနေပြီလေ။ ငှက်ကလေးတွေ အတောင်တွေဝဲလို့ အသိုက်ဆီပြန်လေပြီ။ အဝေးက မီးခိုးတန်းတွေက အရင်အတိတ်လို ပါပဲလား။ ငါ့ခြေထောက်တွေ ဦးတည်ချက်မဲ့နေပြီ။ ဘယ်ဆီကို ခရီးဆက်ရမလဲ။
မင်းနဲ့ ပတ်သက်ပြီး မနက်ခင်းတွေကို ငါချစ်တတ်ခဲ့သလို၊ ညနေဆည်းဆာတွေလည်း ငါ့အိပ်မက်တွေ ဖြစ်ခဲ့ဖူးတယ်။ ချစ်မိတာ အပြစ်မဟုတ်ပေမယ့် ခံစားရသူမှာတော့ အပြစ်ရှိနေမှန်း ငါဝေးမှ သိတော့တယ်။ မင်းပေးတဲ့ လမ်းခွဲခြင်းက အချစ်အတွက် အပြစ်ဆိုရင် အပြစ်ဒဏ်က အရမ်းကို ကြီးလွန်းပါတယ်။
မျက်ဝန်းအိမ်မှာ မျက်ရည်တွေရှိနေပါလျက် ငါငိုလို့မရဘူး။ မျှော်နေမှန်းသိလျှက်နဲ့ ဝေးဝေးလာတယ်။ ဒါတွေဟာ ၀ဋ်လား။ အဲ့ဒီလိုဆိုရင်လည်း ကျေပါတော့ ဒီဘ၀နဲ့တင်။ ငါသွားစရာလမ်း မရှိအောင် ပိတ်လောင်နေတယ်။ မှိုင်တွေနေတဲ့ ငါ့စိတ်တွေ အတိတ်ကိုသာ ရောက်နေတယ်။
1999 january
အဖြူ၊ အစိမ်းတွေနဲ့ ကျောင်းတော်တစ်ခုမှာပေါ့။သူ့ကို ပထမဆုံးစပြီး မြင်ဖူးခဲ့တယ်။စတွေ့တဲ့နေ့ကပဲ သူ့ကို ကဗျာတစ်ပုဒ် အဖြစ်ခံစားဖူးခဲ့သေးတယ်။
ကောင်မလေး
ကြွေကာ၊မောကာ
ရင်ခုန်ရတယ်။
ငါ့အနမ်းတွေ၊ ပန်းတွေကြားမှာ
ပျော်နေတယ်လို့
ငါအိပ်မက်တယ်။
အနု၊အရွ တွေကြား
ငါ့ဖူးစာဟာ မင်းလေလား?
ငါရင်ခုန်တယ်။
ချစ်သူမင်းကိုငါ ကဗျာပေါင်းများစွာ လက်ဆောင်ပေးခဲ့ဖူးပေမယ့် ဒီကဗျားလေးကိုတော့ မပေးခဲ့မိဘူး။ ခုတော့ ငါ့ကဗျာလေးဟာ ငါမေ့ခဲ့တဲ့ အသည်းကွဲနိမိတ်လား။ ငါမတွေးတတ်တော့ဘူး ချစ်သူရယ်
Dec 24, 2007
>
အသည်းကွဲ တမ်းချင်း
Subscribe to:
Posts (Atom)